واحد من أهداف نجاح مشروعنا هو " زيادة معدل الأوردرات اليومى "

فاكر كود ميتا بيكسل الى اكلمنا عنه فى رقم 2 🕵️

هنستخدمه واحنا بنعمل Scale لحملاتنا الإعلانية ودا عن طريق إن اي عميل زار متجرنا متسجل عندنا بياناته واللي نقدر نتتبعه بسهولة
بنبدء نصمم Sales Funnel ونربطها بحملاتنا اللإعلانية بشكل اتوماتيك لتحقيق المبيعات وجلب عملاء جدد

الـ Sales funnel هى مجموعة من الخطوات بيمر بيها العميل من أول مبيشوف المنتج لحد ميشترية بنبدء نصممها بما يتناسب مع المنتج والعميل المستهدف
نوضح أكتر بمثال ..
هنبيع منتج " ساعة ذكية "

هنبدء نعمل اعلان رقم 1 اللي بيوضح فيه المنتج بتفاصيله كامله وسعره وهنا العميل هيبدء يتفاعل معاه ومتوقع انه ياخد اكشن من دول ( هيشتري المنتج / مش هيشتري )
فى حالة الشراء أو عدمه بيتسجل فى لوحه التحكم وبقدر أعيد إستهداف جميع العملاء اللي مشتروش من أول مرة

هنبدء نعيد استهداف عملاءنا مرة تانية بـ إعلان رقم 2 وهيكون عباره عن  ريفيوهات للعملاء اللي اشتروا المنتج وهسهدف فى الإعلان " العميل اللي شاف الإعلان رقم 1 لاكنه متمش عملية الشراء زى موضحنا " ودا بهدف انى أفضل موجود قدام العميل أطول فترة ممكنه بما انه مهتم بحيث اقنعه أكتر بالمنتج من خلال ريفيوهات العملاء فقرار شراءه يزيد عن اول مرة وهنا قدامه اكشن ( يشترى المرة دى / بردوة مياخدش قرار الشراء )

هرجع أعيد استهدافه مرة تالته
بـ اعلان رقم 3 عباره عن خصم لفترة محدودة جدا فيظهرله اعلان الخصم فيساعده على سرعه اتخاذه لقرار الشراء 
والإعلانات دى بتظهر فقط للعملاء اللى " متمش عملية الشراء " بحيث تتبعه لحد ميتم عملية الشراء

جميع الخطوات بتم بشكل تلقائى عن طريق إدخال بيانات مباشرة من أكواد ميتا بيكسل المربوطة بمتجرك الإلكتروني
فنقدر نتحكم ونقراء بياناتنا بشكل صح

• عدد الأشخاص الى شاهدوا الاعلان 
• عدد الزوار الى دخلوا المتجر من الإعلان
• عدد الزوار اللي اتموا عمليه الشراء 
• عدد الزوار اللي تم إعادة إستهدافهم مرة تانية وعدد الأوردرات المحققة منهم
• عدد الزوار اللي تم إعادة إستهدافهم فى الإعلان الثالث وعدد الأوردرات المحققه منهم